urn:lj:livejournal.com:atom1:curamariocuramariocuramariocuramario2009-04-13T00:55:49Zurn:lj:livejournal.com:atom1:curamario:62110+ MOTIBU DI KON MATRIMONIO HOMOSEKSUAL TA 'ROBES'...2009-04-13T00:55:49Z2009-04-13T00:55:49Z<b>10+ MOTIBU DI KON MATRIMONIO GAY TA 'ROBES'</b><br />Un tradukshon i adaptashon na Papiamentu i e situashon na Korsou di un 'Post' anterior riba FaceBook di Cole Emarine...<br /><br /><b>1.</b> Ser gay no ta natural. Yu’i Kòrsou di bèrdè semper a rechasá kosnan ku no ta natural, manera brel, polyester i èrko.<br /><br /><b>2.</b> Matrimonio gay lo enkurashá hende pa ta gay, meskos ku sali ku hende largu ta hasibu largu...<br /><br /><b>3.</b> Legalisashon di matrimonio gay lo habri porta pa yen komportashon straño. Hende por disidi pa bai kasa ku bestia, pasobra un kacho tambe por inskribí na kranshi i firma un kontrat di matrimonio...<br /><br /><b>4.</b> Matrimonio heteroseksual tabat’ei semper i nunka e n’ kambia: hende muhé ainda ta propiedat di hende hòmber, hende di koló ainda no por kasa ku hende blanku, i divorsio ainda ta ilegal<br /><br /><b>5.</b> Matrimonio heteroseksual lo pèrdè su balor ora bo pèrmití matrimonio Gay. Lo bo destruí e santidat di Britney Spears su matrimonio djis pa prèt, ku a dura ni 55 ora.<br /><br /><b>6.</b> Matrimonionan heteroseksual ta balido pasobra nan ta produsí yu. Parehanan gay, parehanan infèrtil, i hende grandi lo no tin mag di kasa, pasobra ainda nos ke pone mas yu djafó riba mundu, i mundu no ta sufisiente yen ainda<br /><br /><b>7.</b> Ta opvio ku mayornan gay lo kria yunan gay, ya ku mayornan heteroseksual ta kria yunan heteroseksual so...<br /><br /><b>8.</b> Varios Religion ta rechasá matrimonio gay. Den un Demokrasia manera esun di nos, nos mester impone e balornan dje religionnan aki riba hinter pais. Ta p’esei hende ku no tin religion o otro religion no ta ser konsiderá hende na Kòrsou.<br /><br /><b>9.</b> Mucha nunka por ta eksitoso den bida sin un modelo di un tata i mama na kas. Ta pesei komo pais nos ta prohibi mama i tata soltero di kria yu.<br /><br /><b>10.</b> Matrimonio gay lo kambia e fundeshi di nos sosiedat. Hamas i nunka nos lo no por adapta na normanan sosial diferente, manera nos a adapta na outo, televishon i internet<br /><br /><b>Un èkstra di un lesadó:</b><br /><br /><b>11.</b> Matrimonio gay ta un mal ehèmpel pa nos muchanan. Pasobra nan lo lanta mirando hende gay biba huntu, di moda ku nan lo krese bira adultonan tolerante, fleksibel i sin prehuisio. Nos no ke esei...<br /><br />(Tradusí i adaptá pa Mario Kleinmoedig)